ASAL MULANE DIJENENGI “SELANDAKA”
Jerene Mbaeh.....
Gemiyen, rikalane awal abad 17,
nang sejerone alas ana wong sing agi berburu, Ki Ajar Tonggo jenenge. Nalikane
weruh banteng, Ki Ajar Tonggo ora nyia-nyiakna kesempatan, langsung bae banteng
kuwe mau diuber. Tlasap-tlusup nang njero alas, Ki Ajar Tonggo fokus meng kewan
buruane nganti ikete kecanthel pang wit be ra krasa, sing penting ora ilang
kewan buruane kuwe mau.
Akhire tekan pinggir kali banteng
menclub. Ngerti banteng wis kepepek, Ki Ajar Tonggo langsung bae “menghunus”
senjata andhalane, yakuwe cundrik (keris cilik). Cundrik diincerna meng
banteng, wessss......, tepat sasaran.
Ketuncleb cundrik andhalan,
banteng moh kalah kondhang. Banteng ujug-ujug malih dadi watu. Sungune, sing
sebelah tengen dadi tumbak lan sing kiwe dadi keris.
Bar njiyot tumbak lan keris “transformasi”ne
sungu banteng, Ki Ajar Tonggo terus ngaso. Karo leyeh-leyeh Ki Ajar Tonggo
banjur ngendika, “Mbesuk nek ana rejaning jaman alas kiye dadi desa, gep tek
jenengi SELANDAKA”.
Selandaka asale sekang kata Sela
(selo) sing artine Watu, lan Handaka (handoko) sing artine Banteng.
(bersambung...)
Sumber: Buku Mengenal Desa
Selandaka Kecamatan Sumpiuh Kabupaten Banyumas, terbitan Kantor Desa Selandaka,
tahun 1980.
